السلام عليكم

اما لطمنا العيل والا الطم العيل ** مادام شب النار مندوب الاطفا

من ذاق حر القايله يعشق الليل ** ومن شب ضوه ليلة البرد يدفـا

امسيت في جيلٍ ولاهوب ذالجيل ** واصبحت والا ديرتي شبه منفـا

واللي حما بيته بطيـرن ابابيـل ** ماجيت ادور كل من صد وقفا

ولاجيت ابشحذ يانما دلّه وهيل ** جيتك وجرح الظلم غاديه يشفا

جيتك بكلمه كنها صعقة الويل ** ان قلت تكفا لاتهـاون بتكفـا

تكفا تراها كلمةً تقطم الحيـل ** لابالله الا تنسف الحيـل نسفـا

تكفا ترا تكفا لها هدرة السيـل ** في صدر حراً ينتف الطيب نتفـا

تكفا ترا تكفا لها تسرج الخيـل ** ان كان لك في مجمع الخيل عسفا

تكفا تراني من قروماً مشاكيـل ** حماية الساقه بسيـفاً وشلفـا

تكفا وتكفا ماتسـاق لمهابيـل ** تكفا تخلّي القرم لاشٍ وهطفـا

تكفا ترى تكفا تهزّ الرجاجيـل ** لولا ظروف الوقت ماقلت تكفا




ان شاء الله عجبكم الشعر.... تحـــياتي

صح لسان الشاعر محمد الدحيمي